Презентация на тему "Алёна Арзамасская - Ёмла Родиназень героец" 6 класс

Содержание

• 
  Слайд 1
  

  Алёна Арзамасская- Ёмла Родиназень героец С.М. Люлякинать «Ёфксса ёфнесазь, морса морсесазь» сказонц коряс Аноклазе: мокшень кялень и литературань тонафтысь Моисеева Л.М.

• 
  Слайд 2

  Серафима Марковна Люлякина – мокшэрзянь сказительница.

  Шачсь тяниень Самарскяй областень Пахвистневскяй райононь Ягоднай велеса. Сказительница, поэтесса, композитор. МАССР – нь культурань заслуженнай работник. (1990). МССР-нь Государственнай премиянь лауреат (1992). 1983 кизоня Международнай книжнай выстовкаса «Моронь гойть» Люлякинать книгац казьфоль Васенце степенень дипломса, народнай творчествань 1-3 Всесоюзнай фестевалень дипломса. Сёрмадсь балладат, ёфкст,стихт, баснят, пьесат, морот.

• 
  Слайд 3
  

  Азксть тянь азондсазь шаржу атятне, Ёфксть тянь ёфнесазь сире бабатне. Ётась-потась сон лама вастова, Лиендсь-шарондсь сон лама масторга. Кона аймакса азксть тянь ушедозь? Кона ширеса ёфксть тянь поладозь? Марса ушедозь сонь мокшэрзятне, Марса поладозь эрзя-мокшетне.

• 
  Слайд 4
  

  Эрзянь масторса, мокшень аймакса Кассь Алёна стирсь, кеподсь марлюнякс. Шитне-кофне налхксть шамаликсонза, Виде келунясь сельмодсь ронгонцты. Мянь пълманжанзон сатнезь касанза, Менель тюссотольхть ару сельмонза. Сисем килеса котфонь паляцоль, Таргаф кафксова акша ингольксоц, Пря руцясонза-лаймонь цяцятне, Сисем ленгаксста кодафт каренза, Вейхкса сялгоста понафт карьксонза.

• 
  Слайд 5
  

  Пялес вачеда эрясть эрзятне, Ашти опамкшнесть русне, мокшетне, Нярьгозь ломаттнень баяр пинетне, Керсезь локшеса ушман мурзатне. Но ся пингть куцькан Рав ляйть ширева Лиендсь, алянь вийхть кочксесь перьфканза. Сон фкя пацяса куродсь баярхнень, Омба пацяса куродсь ашуфнень. Сон и лиезь лийсь, сон и уезь уйсь, Сон и ардозь ардсь-коза повсь судардсь, Лемонц кулендезь-ляйхне сетьмосесть, Панттне арьсезне вазьснон валхнелезь. Аньцек баярхнень мусь търнатома, Содазь-сай куцьканць песнон сатома, Тя орёлсь-куцьканць Стенька Разин ульсь- Ашуть кельгиец, вачта нельгиец.

• 
  Слайд 6
  

  Козк Алёна тянь лацкас кулезе, Отькорь седиса волять марязе. Мярьгат, появасть соньге пацянза, Перьфке кайгозевсь терди вайгялец: «Эрзят, мокшет, руст, панжесть сельмонтень, Мокшет, эрзят, руст, стяфтость пилентень!... Эрьда марняса, ялгань келеса Вийхть пърдатама, бойс сърхкатама. Крафтсаськ баярхнень - нельгсаськ воляньконь, Веронь потяйда ванфтсаськ доляньконь».

• 
  Слайд 7
  

  Эста баярхне кочказь-кеподезь Кайги ружьяснон, эрек пушкаснон. Толонь пиземса модать валондозь, Цярахманца сонь видезь кшниннеса. Верда шокшихне кяжснон топафтозь, Цянкса тюрихнень толса опаптозь. Повсезь эрзятнень, повсезь мокшетнень, И Алёнаньге сявозь пленц-полонц. Кядьнек-пильгонек сотнезь сюлмосезь, Пинень азорти ускозь кенярдезь. «Пичень куд, -ювадсь,-тяза шапода! Коське пою кархчт тяза вачкада!» Велень келева да кувалмова Панезь-вятезь стирть да позорякшнезь: «Ломатть лиседа, ломатть ванода, Кода палома кармай ведьманте».

• 
  Слайд 8
  

  Вай, толгяльхне нолшт-мазы шаманянц, Ляпе шяярнянц, виде ронгонянц. Куйгоркс мянцевихть ксты търванянза, Псити опамкшни курга потмоняц.

• 
  Слайд 9
  

  Вай, кърхтазь-пълхтазь- сявозь ваймонянц. Но исть кулофтов лемоц, мяленза, Аф стак тевонзон мастор келеса Ёфксса ёфнесазь, морса морсесазь

• 
  Слайд 10

  Кизефкст и заданият.

  Мезе содатада Алёна Арзамасскаять колга? Кие мокшэрзянь и рузонь писательхнень эзда сёрмадсь колганза? Кода няфневи мокшэрзятнень кунардонь пингонь эряфсна? Кодамоль Алёна? Кода няфтезе Алёнань Авторсь?

• 
  Слайд 11

  Кудонь тевсь.

  Анокламс сообщения. С.М. Люлякинать эрямань и творческяй кинц колга. Выразительнайста лувомс поэмать.

• 
  Слайд 12
  

  Няемозонк!