Содержание
-
С.Д.Эрьзянь эряфонь и творческяй киц.К.Г.Абрамовонь «Эрзянь цёра» романцта пакш, кона лемдеви «Сядонгольдень школаса».
-
Урокть темац: Тонафнемать вельде масторть келес содави ломанькс арамац.
-
Урокть целенза : 1.Лятфтамс, кода ашу крестьянонь цёранясь Стёпа,мезеньге лангс апак ватт, пяшкотькшнесы эсь мяленц –тонады рисовандама , арай живописецокс и сембе мирти содаф скульпторкс! 2.Шарфтомс мяль Степан Эрьзянь лангс, кинди тя искусствась арась эряфонь тевкс! .
-
Степан Дмитриевич Эрьзя(Нефедов) –мастор лангсасодаф скульптор.
С.Д.Эрьзя шачсь Мордовскяй АССР-са Ардатовскяй райононь Баева велеса 1876-це кизоня ашу крестьянинонь семьяса.Степан тонафнесь колма кизот Алтыш велень начальнай школаса,эсь велесост школа ашель. Сяльде С.Д.Эрьзя кармась тонафнема Москуса Живописень , ваяниянь и зодчествань училищаса. Училищать аделамда меле эряй Италияса, Францияса, меле мрдась меки Россияв.Тя пингть сон лама работай скульптуранзон лангса.
-
Стёпань аляц хоть и ульсь аф грамотнай бурлак, носон лац содазе эряфть,лама няйсь и маштсь пяк лац азондома. С.Д.Эрьзянь алянц оцю мялецоль, штоба сонь иденза улельхть тонафнефт.
-
Стёпа- ашу ломанень идь.(С.Д.Эрьзянь стака идькс пингоц)
1. Мезень коряс тя няеви? 2. Мес ашесть стафта Стёпанди ор? 3. Мес Стёпа афолезе кельге учительницанц? 4. Произведенияса тага фкя ули персонаж- тя попсь,кона васень шитнень фалу сашендсь урокс.(Азода колганза аф лама вал).
-
Пейзажть лезксоц Стёпань арьсеманзон- тевонзон шарьхкодемста.
Пара мяльса Стёпа аськоляй куду, шуфттнень ёткова шамазонза валдопты тундань шинясь . Тундань мекольце шитне фалу улендихть манихть и лямбот. Тя пингсь панчфонь панжема и нармонень моронь пинге.Вирсь пяшксе нармонень вайгяльда.
-
Стёпась - настойчивай цёраня.
Стёпа аф стак келиста и весяласта аськоляй инголи. Сон содасы местема моли инголи, сонь эряфсонза эвондась валда тяштеня, конац сонь вятьсы инголи-тя мялец тонадомс лац рисовандама,арамс живописецокс. Вов мес Стёпань вяшкондемацка маряви нармонень морокс ,и сонцьке прянц марясы лии нармонькс. Стёпа эсь настойчивай характеронц, трудонь кельгоманц мархта пяшкодьсыне эсь арьсеманзон-мялензон!
-
Стёпа арай скульпторкс!
Шуфтста скульптурань лаксеманц Эрьзя ушедозе аф Аргентинаса. Шабакскиге Иван альняканц лангс ванондомста приметцезе, кода пара и тёждя шуфтть лаксемац, вадепнемац.Шуфтонь васень работанза тифтольхть Кавказса эрямстонза,20-це кизотнень ушетксста.Эста тись аф кржа скульптура грецкяй пяштерьксста и кавказонь тумоста. Сяда меле калгода шуфттне арайхть художникти инь эрявикс и келькф материалкс. Но кодама шуфтста афоль лаксе, сон маштсь ванфтомонза ся образть, кона бта анокскиге ульсь ни шуфтса; лаксесь аф вихца, аф оцю виень путозь, а фалу ужяльдезь.
-
-
Стака валхнень мархта работамась.
Скульптор- тя художник,кона художественнай произведениятнень тиендьсыне металлста, шуфтста, мраморста или лия кодамовок материалста. Альгорробо и кебрачо- нят шуфтт, конат касыхть Южнай Америкаса.
-
Лятфнематне колгат яла!
Крьвястелить трубкацень сякоть И качамняц туль менельть серес, Да таньфоц срадоль масторть келес, Куване ламос шяять-якать. Но,маряк, аяш кемайхть сянди, Резец аш стама ,штоба стялеть, И ашить макса сонь лиянди, Эсь вии кядьстот ашить мянде, Мес ,улема, пяк тушендсь мялезт.
-
Обраст кевста и шуфтста.Сон ускодязь эсь менельть алу,Шись коса ваномакс крфай….И нинге ламоксть валда залу Странаньке ваномонт сувай!( Эрьзянь скульптуранза)
-
Автопортрет( Пичедема).
Аф весть тинь кельгондедязь нинге, Ризнай и арьси шамаликт. А эздонт ламотне учсть пинге, Ульсь шуфтста нинге апак лихтть. ( Бронза)
-
Авань пря.
Тинь кода пачкодеде тяза, Од авань ару сельмованфт? И пароходсь куване, азость, Волнатнень пачка эсост кандсь? (Мрамор)
-
Тядя идь мархта.
Сон маштозь оржа нярь резецса Квебрахо шуфттьке шапсь и шапсь. И содазь лемонц белай светса, И славац пандошкаста кассь. (Кебрачо)
-
Мокшэрзянь алясь.
Шять, няесть, кода скульптор – атясь Эсь масторонцты кунелясь. Сон инксонт нинге одста якась, А сиредезь ни мархтонт сась. (Кебрачо)
-
Моисейсь.
Но лаксесь скульпторсь альгарроботь, И шнакшнезь тевонц президентт, Хотя изь ара теест рабокс, Мес повсь искусствати ни пленц. (Альгорробо)
-
Кельгома.
Сон эсонт вешендсь, яла вешендсь. Тинь ламос кяшендеде шуфтс. Но ашезь сав ни оду кяшемс, Козк седиенц сон тейнть путсь. (Альгорробо)
-
Л.Н.Толстоень портретоц.
Инь оцю сатфкс Эрьзян- ди кандсь Л.Н.Толстоень портретоц(1930-це к.) Инь васенцесь тя произ- веденияса-ёню ломанень няфтемась и потмоёжень панжемась. (Альгорробо)
-
Одсь С.Д. Эрьзянь колга.
Буэнос-Айресонь муниципалитетть скульптурань произведениянь сексень 5-це салоноц- ульсь мекольдень выставкакс, коса Степан Эрьзя няфнезень эсь работанзон.
-
Да лятфнематне колгат яла Аф машнихть седистонк и ёньцтонк. И вятнихть апак лотксек малазт Аф аньцек шистонк, но и онцтонк. И катк аф лоткай пингсь фкя васту, Катк аськоляй сон апак каштортт. Скульптурань семьяцень мархта Фалу тон мялямсонзат Масторть!
-
Калмаф Степан Эрьзя Саранскяйса. Но сон тячемс эряй, сяс мес кадозе ваймонц эсь скульптуранзонды. Мордовияса ётафневихть Эрьзянди лемтьф оцю илат.…Мокшэрзянь народсь ашезе юкста эсь смузю цёранц. Тонь калма перяфкяцень ваксса Кинятне тарксефт сюре лаца , Шинясь тейть васень цятконц максси И нармоннятне морснон латцихть. Покойцень штоба тялезь сала И вакссот кайгиста тяльхть корхне. Но аньцек штасы тишеть шаманц Сиянь расаня- цифтор валгозь,- Тейть ломаттне кунардонь ялгакс Сайхть тевцень инкса сюконяма.
-
Мордовияса,Эрьзянь музейса ,ванфтовихть сонь 194 скульптуранза. Аф ёмла коллекцияц ули Санкт-Петербургонь Рузонь музейса-31 работац; 7 работанза Батумисот, кафттнеТретьяковонь галереясот. Лядыкс скульптуранза срадсть масторть келес, лама странань музейге и башка ломанень кядьге.
-
Кудонь заданиять максомоц.
Анокламс беседа темать коряс: «Сядонгольдень школась и тячиеннесь»
-
Урокть аноклазе: Сузгярьге школань мокшень кялень и литературань учительсь Лукашенко Нина Викторовна.
Нет комментариев для данной презентации
Помогите другим пользователям — будьте первым, кто поделится своим мнением об этой презентации.